معامل كايرولاب

Service

Digital Marketing, Branding, Leads and positioning

Company

Elaj group

Year

2018

تعد معامل كايرولاب كأول مجموعة معامل تحاليل طبية كبرى في مصر فقد بدأت نشاطها منذ بداية الثمانينيات تحت اشراف مجموعة متميزة من الاطباء والاستشاريين والفنيين على مستوى عالٍ من الكفاءة والخبرة من كافة الجامعات ومعاهد البحوث .
مما اثمر عن انتشار أكثر من ( 30 فرع ) لتغطية انحاء القاهرة الكبرى .
وقد تميزنا بتجهيز جميع الفروع بأحدث الاجهزة العلمية وكافة الامكانيات مما يتيح تسليم نتائج الفحوص الروتينية في نفس اليوم , لذلك اردنا ان نستكمل هذا الدور بتقديم خدمة التوعية الصحية السليمة من خلال مقالات وارشادات قام بإعدادها أمهر الاطباء المتخصصين

رحلة شيقة.. مدتها 6 صور! لغز أمراض المشاهير، في طريقة للحل... #أمراض_المشاهير

توت عنخ آمون

«نفوذ وسلطة الفرعون الصغير، مكانتش كافية إنها تحميه من الملاريا...!» توت عنخ آمون.. اسم عريق كله هيبة، لكن الهيبة والجيش والسلطان مقدروش يحاربوا معاه في معركته الخاصة! تخيل كل القوة دي مقدرتش تهزم كائن صغير زي ناموسة الملاريا! تعددت الأقاويل عن أسباب وفاته، لكن أكدت الدراسات الحديثة إن بعد إصابته بكسر في عظام الساق، اتصاب بالملاريا اللي قللت من كفاءة جهاز المناعة وحصله مضاعفات مات بسببها.. مرض الملاريا بيحصل بسبب قرصة الناموسة، بيسبب قشعريرة وحمى شديدة للمريض ومضاعفاته ممكن تؤدي للموت! وبيسبب تهديد كبير لأنه بيتنقل من شخص للتاني عن طريق: - نقل الدم. - مشاركة الإبر. - بيتنقل من الأم للطفل. توت عنخ آمون عانى كتير قبل موته، ناموسة الملاريا أنهت نفوذه وسلطانه.. التحليل اللي بيكشف عن الملاريا: تحليل الدم. #أمراض_المشاهير

مصطفى كامل

«عاش مناضلًا ضد الإنجليز.. فحارب مرضه لكنه هُزم في النهاية»! مصطفى كامل.. عاش حياته كلها علشان يشوف مصر حرة مستقلة، ولكن مرضه حرمه من نشوة الحرية.. عجزت رئتيه عن تحمل بكتيريا السُل اللي بتتنقل بالعدوى من رذاذ عطس الشخص المصاب، اللي أعراضها كانت كفيلة إنها تنهي حياته في أوائل الثلاثينات.. بداية من الألم في الصدر ورعشة البرد نهاية بالسعال الدموي.. مضاعفات مرض السُل صعبة جدًا وكفيلة تنهي حياة أي مريض، وهي: - التهاب السحايا. - اضطراب القلب. - مشاكل الكبد والكلى. مقدرش الإحتلال يهزم مصطفى كامل.. لكن المرض قدر! التحليل اللي بيساعد في تشخيص المرض: تحليل الدم – تحليل البلغم في حالة تأكيد المرض. #أمراض_المشاهير

أم كلثوم

«كوكب الشرق.. أتعبتها الغدة الدرقية»! أم كلثوم.. عانت من مشاكل صحية أثناء حياتها، منها مرض الغدة الدرقية، اللي أثر على مسيرتها الفنية.. الغدة الدرقية ميزان الجسم، زيادة إفرازها بيؤدي إلى ظهور أعراض صعب التكيف معاها، زي: - فقدان الوزن المفاجئ. - تضخم الغدة الدرقية. - التعب والقلق وضعف العضلات. أما مضاعفاتها، فكانت سبب الجحوظ (بروز وانتفاخ) العيون اللي أجبر أم كلثوم على ارتداء نظارة سوداء.. المرض زي ما بيزور المشهور.. يقدر يزور المغمور كمان! التحليل اللي بيكشف عن مرض الغدة الدرقية: تحليل الدم – تحليل TSH وتحاليل الغدة على حسب التشخيص. #أمراض_المشاهير

الاسكندر الاكبر و التيفود

«لم يُهزم في أي معركة خاضها على الإطلاق ولكن كانت هزيمته أمام التيفويد»! الإسكندر الأكبر ملك مقدونيا وحاكمها، كان من أشجع وأمهر القادة والملوك.. ولكن أعراض التيفويد كانت أقوى من استراتيجياته! جرثومة لا تُرى بالعين المجردة قضت على كل إنجازاته وكانت سبب موته.. في أواخر أيامه، ارتفعت درجة حرارتة جدًا وبدأت أعراض حمى التيفويد تظهر عليه، زي القشعريرة والصداع والسعال الجاف، وكانت نهاية حياته صرخات صاخبة بسبب آلام البطن.. مضاعفات حمى التيفويد صعبة جدًا، لأن السالمونيلا اللي بتسبب العدوى، بتبدأ تعمل نزيف معوي وثقوب في الأمعاء! خلي بالك من الماء والأكل الملوث لأنه مأوى للعدوى.. ولأن العدوى أنشط منك وبتتنقل بسرعة.. الإسكندر الأكبر انتهت حياته بسبب جرثومة صغيرة.. التحليل اللي بيكشف عن حمى التيفويد: هو مزرعة لعينات دم / براز/ بول/ نخاع عظمي. #أمراض_المشاهير

إديسون

«إديسون، صاحب الـ 1000 اختراع .. عجزت إرادته أمام مرض السكر» قررت كبرى الشركات والمؤسسات في العالم غلق كل الأنوار بعد وفاته تقديرًا لجهوده في اختراع المصباح الكهربي اللي بنعيش على أضوائه لحد دلوقتي.. توماس إديسون كان بيمتلك إرادة قوية، لكن مرض السكر كان أقوى منها.. بدأ يفرض أعراضه على المخترع العظيم، وأصابه بفقدان الوزن والتعب الشديد وأضعف قوة بصره اللي نورتلنا الطريق... عانى كتير مع مرض السكر.. اللي مضاعفاته صعبة جدًا وهي: - مرض الزهايمر. - تلف الأعصاب. - تلف العين وضعف السمع. إديسون غادر الحياة بعد 84 سنة عطاء.. بسبب مرض من أشهر أسباب الوفاة حاليًا... التحليل اللي بيكشف عن السكر: تحليل الهيموجلوبين السكري – تحليل السكر بأنواعه. #أمراض_المشاهير

محمد علي كلاي

«أقوى لَكمة في العالم تُصاب بالشلل الرعاش»! "يطير كالفراشة ويلسع كالنحلة" محمد علي كلاي.. بطل العالم في الملاكمة، ضربته القاضية كانت بتنهي أصعب المباريات، لكن زيارة مرض باركنسون أو الشلل الرعاش كانت ضيف تقيل عليه بعد مشوار حافل بالبطولات... بدأت أعراض مرض الشلل الرعاش تظهر في جنب واحد من الجسم، وهي الرعشة وبطء الحركة وتصلب العضلات وفقدان التوازن.. ولأن من مضاعفات الشلل الرعاش، صعوبات التفكير والاكتئاب بسبب نقص الدوبامين، فكانت بوابة اتفتحت لإصابته بأمراض تانية زي الالتهاب الرئوي اللي أنهى كل إنجازاته وفارق بعده الحياة.. مرض الشلل الرعاش من الأمراض الصعبة، اللي بيؤدي لموت الخلايا العصبية اللي مبتتعوضش تاني.. التحليل اللي بيساعد في الكشف عن الشلل الرعاش: تحليل الدم. #أمراض_المشاهير

بعد ما عرفت أسرار أمراض 6 من المشاهير، دلوقتي جه وقت إنك تاخد بالك علشان ميحصلش أي حاجة منهم ليك أو لأي حد من أهلك وأصدقائك! لأن هدفنا في معامل كايرولاب تعيش حياة صحية، مستقرة وهادية.. عملنالك خصم 35% على الفحص الشامل، علشان تبقى في أمان... مع كل شير بتعمله .. بتزود دايرة الأمان حواليك <3 سجل بياناتك هنا: http://bit.ly/Cairolab وهنتواصل معاك ونجاوبك على كل أسئلتك. #أمراض_المشاهير #كايرولاب #نتيجة_أضمن_لعلاج_أفضل

Scroll Top